Croeso i Theatr Colwyn a Sinema, Bae Colwyn
Mae THEATR COLWYN wedi ailagor gyda rhaglen newydd gyffrous o berfformiadau byw ac arddangosiadau sinema.
Yn dilyn yr ailddatblygiad blaen tŷ, gwerth £732,000 (£500,000 gan Raglen Ardal Adfywio Gogledd Cymru a £238,000 gan Gyngor Bwrdeistref Sirol Conwy, sy’n berchen ar y theatr ac yn ei rheoli), erbyn hyn mae gan Theatr Colwyn swyddfa docynnau a chyntedd newydd, mynediad llawn i unigolion ag anableddau, ystafell gymunedol ac ardal islawr wedi’i ailddatblygu. Roedd y prosiect yn rhan o Raglen Adfywio Bywyd y Bae+.
Adnewyddwyd y tu allan i Theatr Colwyn hefyd, gyda’r gwaith yn costio tua £60,000. Ariannwyd £45,000 o’r gwaith hwn trwy’r Cynllun Grant Eiddo sy’n cael ei weinyddu gan Adran Gadwraeth ac Adfywio Cyngor Bwrdeistref Sirol Conwy.Adeiladwyd Theatr Colwyn yn 1885 a dyma’r sinema weithredol hynaf yn y DU, y theatr ddinesig hynaf yng Nghymru, a’r theatr weithredol hynaf yng Nghymru.
Dywedodd y Cyng Goronwy Edwards, Aelod Cabinet Cymunedau Conwy: “Hoffwn ddiolch i swyddogion ac aelodau Theatr Colwyn, ac i Sarah Ecob a’i Thîm yn Venue Cymru am eu gwaith caled wrth gyflawni’r buddsoddiad enfawr hwn. Mae’r adeilad unigryw, y mae pobl yr ardal leol a thu hwnt mor hoff ohono, ac yn ei werthfawrogi, wedi’i drawsnewid yn ardderchog. Pob lwc a da iawn!”
