Pedwar o fandiau’r ‘blues’ gorau yng Ngogledd Cymru yn perfformio caneuon llwyddiannus Hooker, Hendrix a llawer mwy! 
Gyda the Alison Kay Band, 0151, The Jack and Stormy Monday.

Arts Active yn cyflwyno
Bert’s Magical Musical Kitchen
gan The Tiddly Prom Trio

Mae Bert yn cynnal parti i’r Faeres Daphne Dil. Ond mae llawer i’w wneud; mae’n rhaid iddo baratoi’r bwyd, gwahodd y gwesteion a threfnu gemau parti. Yn ffodus, mae ffrind Bert, Cherry, yna i helpu, a bydd ei ffrindiau cerddorol yn dod â cherddoriaeth wych gyda nhw. Beth allai fynd o’i le!

Mae Bert’s Magical Musical Kitchen yn gyngerdd hygyrch, ryngweithiol, sy’n llawn gwybodaeth i blant oedran cyn ysgol. Cyfle i swyno, syfrdanu ac ysbrydoli plant ifanc, a’r oedolion y maent yn eu hedmygu. Nid yn unig yw’r perfformiad yn llawer o hwyl, ond y mae hefyd yn addysgol, yn dysgu sgiliau gwrando,cerddoriaeth, datrys problemau a gweithio mewn tîm, yn ogystal â chyflwyno offerynnau cerddorol i blant y blynyddoedd cynnar.

Gwelwn Bert yn gwneud teisen yn fyw ar y llwyfan, a thra bod y menyn, siwgr, wyau a blawd yn cael eu cymysgu i wneud teisen flasus, mae’r cynhwysion cerddorol yn cyfuno i ffurfio sgôr hyfryd a dyfeisgar. Tra bydd Bert a’i ffrind Cherry yn disgwyl i’r deisen bobi, maent yn canu caneuon gwirion, yn gwneud hud, cerddoriaeth a helynt, ac yn paratoi ar gyfer parti pen-blwydd arbennig gyda’r Faeres.

Mae Bert’s Magical Musical Kitchen wedi’i dylunio’n arbennig gan dîm creadigol Arts Active i blant dan 5 oed, ac mae’n gyfle gwych i blant ifanc gael profiad o gerddoriaeth ryngweithiol, gyda cherddorion proffesiynol mewn awyrgylch creadigol a hwyliog. Gyda sgôr i’r clarinét, bas dwbl, trwmped ac offerynnau taro, mae’r perfformiad yn cyflwyno’r offerynnau cerddorol hyn i’r rhai ifanc iawn, ac yn gadael iddynt fwynhau cyffro offerynnau acwstig byw.

Kylie-A-Like, dan arweiniad Suzy Hopwood drawiadol yw un o sioeau teyrnged Kylie hiraf yn y DU ers ei sefydlu yn 2001 ac mae’n parhau i fynd o nerth i nerth gan ychwanegu rhagor o wisgoedd mwy ffantastig, caneuon newydd sbon a chaneuon wedi’u hailgymysgu, symudiadau dawns ac ambell i syrpréis!

Dyma’r sioe deyrnged Kylie sy’n siŵr o gael ei chefnogwyr i gyd, yn ogystal â phawb sy’n hoffi cerddoriaeth bop dda, yn canu a dawnsio i hoff ganeuon Kylie, gyda chymorth dawnswyr a band gwych Suzy!

Gyda 15 mlynedd o brofiad, a chyda’r un nodweddion â Kylie ei hun, ac yn 5 troedfedd 1 modfedd o daldra, mae Suzy a’i sioe deyrnged wych yn talu gwrogaeth i un o’r artistiaid benywaidd mwyaf llwyddiannus erioed, a’i gyrfa 3 degawd.

Mae Kylie-A-Like wedi perfformio mewn nifer o wledydd o amgylch y byd, gan ennill y teitl sioe deyrnged orau Kylie mwy nag unwaith! 

Gan leisio’n gywir a pherfformio’i gorau glas bob tro, a hynny’n fyw bob amser, heb unrhyw feimio yn ein sioe, Suzy Hopwood yw’r Kylie berffaith, felly, peidiwch ag oedi ac archebwch eich tocynnau heddiw !

“The magnificently costumed Kylie tribute act. In costume and sound alike terms, this tribute was quite superbly accurate and well put together” The Stage